നമ്മുടെ നിത്യജീവിതത്തിൽ പണം വളരെ പ്രധാനപ്പെട്ട പങ്ക് വഹിക്കുന്നുണ്ട്. നഷ്ട സാധ്യത മുന്നിൽ കണ്ട് നിക്ഷേപം നടത്തുവാൻ മടിച്ചു നിൽക്കുന്ന പലരേയും നമുക്ക് ചുറ്റും കാണുവാൻ സാധിക്കും. എന്നാൽ കൂടുതൽ പണം സമ്പാദിക്കുവാനും നികുതി ലാഭിക്കുവാനും പല അവസരങ്ങളിലും നിക്ഷേപങ്ങൾ നമ്മെ സഹായിക്കാറുണ്ട്. നികുതി ലാഭിക്കുവാൻ നമ്മെ സഹായിക്കുന്ന ഒരു തരം മ്യൂച്വൽ ഫണ്ട് നിക്ഷേപ പദ്ധതിയാണ് ഇ എൽ എസ് എസ് അഥവാ ഇക്വിറ്റി ലിങ്ക്ട് സേവിംഗ്സ് സ്കീം. മൂന്നു വർഷം തികയുന്നതിന് മുൻപ് ഇ എൽ എസ് എസിൽ നിന്നും പണം പിൻവലിക്കുന്നത് എങ്ങനെയാണെന്ന് പരിശോധിക്കാം.
എന്താണ് ഇ എൽ എസ് എസ്
ഇൻകം ടാക്സ് ആക്ടിന്റെ സെക്ഷൻ 80 C പ്രകാരം നികുതിയിളവിന് യോഗ്യമായ ഒരു മ്യൂച്വൽ ഫണ്ട് നിക്ഷേപ രീതിയാണ് ഇക്വിറ്റി ലിങ്ക്ട് സേവിംഗ്സ് സ്കീം അഥവാ ഇ എൽ എസ് എസ് എന്നത്. ഓഹരികളിൽ നേരിട്ടും മറ്റ് ഓഹരി അനുബന്ധ സെക്യൂരിറ്റികളിലും ആണ് ഇവിടെ നിക്ഷേപം നടത്തുന്നത്. ഓഹരികളിൽ നിക്ഷേപം നടത്തുന്നതിനോടൊപ്പം നികുതിയിളവ് ലഭ്യമാകുന്ന ഒരു മികച്ച നിക്ഷേപ അവസരമാണ് ഇ എൽ എസ് എസ് എന്നത്.
ഇ എൽ എസ് എസിന് മൂന്നു വർഷത്തെ ലോക്ക് ഇൻ പിരിയഡ് ബാധകമാണ്. അതായത് നിക്ഷേപം നടത്തി മൂന്നു വർഷം വരെ നിക്ഷേപ തുക പിൻവലിക്കുവാനുള്ള അവസരം ഇവിടെ ലഭ്യമല്ല. എന്നാൽ മൂന്ന് വർഷം കാലാവധി പൂർത്തിയാക്കിയാൽ നിക്ഷേപകന് ഇ എൽ എസ് എസ് യൂണിറ്റുകൾ വിൽക്കുവാൻ സാധിക്കുന്നതാണ്. നിക്ഷേപം നടത്തി മൂന്നു വർഷം വരെ പണം പിൻവലിക്കാൻ സാധിക്കില്ലെങ്കിലും മൂന്നു വർഷത്തിനു ശേഷം നിക്ഷേപകന് എപ്പോൾ വേണമെങ്കിലും പണം പിൻവലിക്കുവാനുള്ള അവസരമുണ്ട്.
പബ്ലിക് പ്രൊവിഡന്റ് ഫണ്ട്, ഇൻഷുറൻസ് പദ്ധതികൾ മുതലായ നികുതിയിളവ് നൽകുന്ന മറ്റ് നിക്ഷേപ പദ്ധതികളുമായി താരതമ്യം ചെയ്യുമ്പോൾ ഇ എൽ എസ് എസ് ഫണ്ടുകളിൽ നിന്നുള്ള നേട്ടം താരതമ്യേന കൂടുതലാണ്. ഇ എൽ എസ് എസ് ഫണ്ടുകളിൽ നിക്ഷേപം നടത്തുമ്പോൾ നിങ്ങളുടെ വരുമാനത്തിന്റെ ഒരു നിശ്ചിത ശതമാനം നികുതി ബാധ്യതയിൽ നിന്നും ഒഴിവാക്കുവാൻ സാധിക്കുന്നതാണ്. അങ്ങനെ ഇ എൽ എസ് എസ് നിക്ഷേപത്തിലൂടെ നിങ്ങളുടെ നികുതി ബാധ്യതയിൽ കുറവുണ്ടാകുന്നു. ഇ എൽ എസ് എസ്ഫണ്ടുകളിലെ നിക്ഷേപത്തിലൂടെ ഉയർന്ന ലാഭ സാധ്യതയ്ക്കൊപ്പം നികുതിയിളവും ഒരേ സമയം ലഭ്യമാകുന്നു.
ഇ എൽ എസ് എസിൽ നിന്നും പണം പിൻവലിക്കുന്നത് എങ്ങനെയാണ്
മൂന്നു വർഷമായ ലോക്കിൻ പീരിയഡിന് മുൻപ് ഇ എൽ എസ് എസിൽ നിന്നും പണം പിൻവലിക്കുന്നതുമായി ബന്ധപ്പെട്ട് കുറച്ചു നിബന്ധനകൾ നിലവിലുണ്ട്. പണം പിൻവലിക്കുന്നതുമായി ബന്ധപ്പെട്ട് നിങ്ങൾ അറിഞ്ഞിരിക്കേണ്ട ചില കാര്യങ്ങൾ.
ഫണ്ട് മാനേജരോട് ആവശ്യം ഉന്നയിക്കുക
നിങ്ങൾ ഒരു ഫണ്ടിൽ നിക്ഷേപം നടത്തുമ്പോൾ ആ പണം കൈകാര്യം ചെയ്യുന്ന ഫണ്ടുമായി ബന്ധപ്പെട്ട വ്യക്തിയാണ് ഫണ്ട് മാനേജർ. നിങ്ങളുടെ നിക്ഷേപം പണമാക്കി മാറ്റുന്നതിന് നിങ്ങളെ സഹായിക്കുവാൻ ഫണ്ട് മാനേജർ നിങ്ങളെ സഹായിക്കും. പണം പിൻവലിക്കുന്ന നടപടിക്രമങ്ങൾ പൂർത്തിയാക്കുവാൻ ആവശ്യമുള്ള രേഖകൾ എന്തെല്ലാമാണെന്ന് ഫണ്ട് മാനേജർ നിങ്ങളോട് വിവരിക്കുന്നതാണ്. ഇ എൽ എസ് എസ് പിൻവലിക്കാനായി നിങ്ങൾ ആദ്യം ചെയ്യേണ്ടത് ഫണ്ട് മാനേജറോട് നിങ്ങളുടെ ആവശ്യം ഉന്നയിക്കുക എന്നതാണ്.
റിഡംപ്ഷൻ ഫോം പൂരിപ്പിക്കുക
മ്യൂച്വൽ ഫണ്ട് കമ്പനി നൽകുന്ന റിഡംപ്ഷൻ ഫോം കൃത്യമായി പൂരിപ്പിക്കുക. നിങ്ങളുടെ വ്യക്തിഗത വിവരങ്ങൾ, നിക്ഷേപവുമായി ബന്ധപ്പെട്ട വിവരങ്ങൾ, വിൽക്കുവാൻ ഉദ്ദേശിക്കുന്ന യൂണിറ്റുകളുടെ എണ്ണം മുതലായ വിവരങ്ങൾ കൃത്യമായി രേഖപ്പെടുത്തുക.
രേഖകൾ സമർപ്പിക്കുക
റിഡംപ്ഷൻ ഫോം പൂരിപ്പിച്ച ശേഷം ആവശ്യമുള്ള രേഖകൾ മ്യൂച്വൽ ഫണ്ടിന്റെ ഓഫീസിലോ ഓൺലൈൻ പോർട്ടൽ വഴിയോ സമർപ്പിക്കുക. നിങ്ങളുടെ തിരിച്ചറിയൽ രേഖകൾ, ബാങ്കിംഗ് വിവരങ്ങൾ തുടങ്ങി മ്യൂച്വൽ ഫണ്ട് കമ്പനി ആവശ്യപ്പെടുന്ന രേഖകൾ എല്ലാം തന്നെ കൃത്യമായി സമർപ്പിക്കുക.
പ്രോസസ്സിംഗിന് ആവശ്യമായി വരുന്ന സമയം
മ്യൂച്വൽ ഫണ്ട് യൂണിറ്റുകൾ വിൽക്കുവാനുള്ള അപേക്ഷ സമർപ്പിച്ചതിനു ശേഷം നിങ്ങളുടെ അപേക്ഷയുടെ പ്രോസസ്സിംഗ് പൂർത്തിയാകുവാനായി കാത്തിരിക്കുക. മ്യൂച്വൽ ഫണ്ട് കമ്പനി നിങ്ങളുടെ അപേക്ഷ കൈകാര്യം ചെയ്ത ശേഷം ഇടപാടുകൾ പൂർത്തിയാകാൻ ആവശ്യമുള്ള പ്രോസസ്സിംഗ് കാലപരിധിയും തുക കൈമാറേണ്ട രീതിയും തീരുമാനിക്കുന്നു.
പണം ലഭ്യമാക്കുന്നു
നിങ്ങളുടെ റിഡംപ്ഷൻ അപേക്ഷ പരിഗണിച്ച ശേഷം ഇ എൽ എസ് എസ് നിക്ഷേപത്തിൽ നിന്നുള്ള നിങ്ങളുടെ പണം നിങ്ങൾ രേഖപ്പെടുത്തിയിരിക്കുന്ന ബാങ്ക് അക്കൗണ്ടിലേക്ക് നേരിട്ട് ട്രാൻസ്ഫർ ചെയ്യുന്നു. വളരെ ലളിതമായ നടപടിക്രമങ്ങളിലൂടെ വളരെ വേഗം നിങ്ങൾക്ക് തുക ലഭ്യമാകുന്നു.
നിശ്ചിത കാലപരിധിക്ക് മുൻപ് ഇ എൽ എസ് എസ് നിക്ഷേപം പിൻവലിക്കുന്നതിന് പിഴ നൽകേണ്ടതുണ്ടോ
ഇ എൽ എസ് എസിൽ നിന്നും നേരത്തെ പണം പിൻവലിക്കുന്നത് കൊണ്ട് നിങ്ങൾ നേരിട്ട് പിഴയൊന്നും നൽകേണ്ടതായി വരുന്നില്ല, എന്നാൽ നിങ്ങൾ ഈ നിക്ഷേപത്തിലൂടെ നികുതിയിളവിന് അർഹത നേടുകയില്ല.
Are you looking for investments?
Kashly team can help you start your mutual fund investments with the right assistance. signup here
നിങ്ങളുടെ നികുതി സ്ലാബിന് അനുസരിച്ച് ഇ എൽ എസ് എസ് നിക്ഷേപത്തിൽ നിന്നും നിങ്ങൾക്ക് ലഭ്യമാകുന്ന നേട്ടത്തിന് നികുതി നൽകേണ്ടതായി വന്നേക്കാം. ദീർഘകാല അടിസ്ഥാനത്തിൽ നികുതിയിളവിനായി ലഭ്യമാകേണ്ട വലിയൊരു നേട്ടം ഇവിടെ നിങ്ങൾക്ക് നഷ്ടമാകുന്നു.
സംഗ്രഹം
ഇ എൽ എസ് എസ് നിക്ഷേപത്തിൽ നിന്ന് മൂന്നു വർഷം തികയുന്നതിന് മുൻപ് പണം പിൻവലിക്കുവാനുള്ള തീരുമാനമെടുക്കുന്നതിനു മുൻപ് കാര്യമായി ചിന്തിക്കുക. നിങ്ങളുടെ സാമ്പത്തിക ലക്ഷ്യങ്ങൾ, നിലവിലെ സാമ്പത്തിക സാഹചര്യം, നികുതി ബാധ്യത തുടങ്ങി പല ഘടകങ്ങൾ ചിന്തിച്ചു വേണം നിക്ഷേപം പിൻവലിക്കുവാനുള്ള തീരുമാനം കൈക്കൊള്ളുവാൻ. നിങ്ങളുടെ നിക്ഷേപത്തിൽ നിന്ന് കഴിയാവുന്നത്ര നേട്ടം നേടുവാൻ നിങ്ങൾക്ക് ലഭ്യമായ അവസരങ്ങളെ കുറിച്ച് കൃത്യമായി മനസ്സിലാക്കി ആസൂത്രണം നടത്തുക. നിശ്ചിത കാലപരിധിക്ക് മുൻപ് പണം പിൻവലിക്കുന്നത് നിങ്ങളുടെ ഭാവി പദ്ധതികളേയും നികുതി ബാധ്യതയേയും എങ്ങനെയാണ് സ്വാധീനിക്കുന്നത് എന്ന് മനസ്സിലാക്കുവാൻ ഒരു സാമ്പത്തിക വിദഗ്ധന്റെ സഹായം തേടുക.
